ا
لشاعر محمد السهلي يقول:
الا ياشـقـر الجنـحـان يـالــي تـعـلـى فـــوق= عـلـى نـايـفٍ فــي مرقـبـه يتـعـب الـراقــي
الا واهنـيـك حـــر مـاحــط فـيــك سـبــوق= ولاذقـــت لـوعــة هـــم وبـعــاد وافــراقــي
انا اشـوف طبعـك يشبـه لطبـع هالمخلـوق= تـحـلـق بـعـيـد وتـتــرك الــدمــع بـحـداقــي
تـعـذب عيـونـي والسـبـب قلـبـي المطـفـوق= تـولــع بـطـيـف ٍ مــــال حـلـمــه تـحـقـاقـي
ياليت الصبر يشرىآ وينباع وسط السوق= بغيـت اتصـبـر والصـبـر خــارج إنطـاقـي
الا يالحـمـام الزاجـلـي لــي علـيـك حـقــوق= تـوصـل تحـيـاتـي وحـبــي مـــع اشـواقــي
وقلـه تــرا قلـبـي مــن البـعـد فـيـه حــروق= يـبـيـن بعـضـهـا واتـكـتــم عــلــى الـبـاقــي
وقـلــه لـذيــذ الـنــوم مــاهــو يــذوقــه ذوق= وقـلـه وسـيـع الـكـون بالعـيـن قــد ضـاقـي
والا يالحـمـام الراعـبـي غـــردي بـرفــوق= وخلـي صــدى صـوتـك تـرددهـا الافـاقـي
ومـع كـل لحظـه اغـيـر اللـحـن والـطـاروق= عـسـاهـا تـوصـلـه ونـــةٍ داخـــل اعـمـاقـي
ولا ياطـيـور الـكـون يـالـي اتحـلـق فـــوق= بـدربــك خـذيـنـي مـابـقـى للـصـبـر بـاقــي
وكان ردي عليه كالتالي:
انا البارحة مامسيت عيني قزت والموق=هلهل عذي الدمع والحيل منعاقي
يوم العرب تمسي نومي غدا مسروق=اجاذب الطاروق واكتب على اوراقي
واسباب ما بي ماضين لاطرى اتوق=له واذكر احداثن لها القلب يشتاقي
طاريه ما يفتر لاحل جاب العوق=باقصى الفواد وعلته تكوي اعماقي
الا يااسحم الجنحان يا طبة المشفوق=صاروم سنجاري ومهيض اشواقي
عوق الخريش الي تعلى طياره فوق = ما يفلته لو عنه ميلين ينساقي
في جو ما داجه قبلي ولا مخلوق=قفرن صحاصح تتعب الرجل والساقي
جيته وتو الشمس ما ااذنت بشروق=مغباش يوم الكل غدا نومه غراقي
فيه الوحش والريم والعفري المعنوق=ذيبه عوى ويحوف حزمه والاشناقي
طال الصبر والصبر زوده عنا واحروق =الصبر مر وطولته تحرق احراقي
يقوله عليلن غربته خجت المعلوق=خج القنا للجوف للضلع خزاقي
الجوف فيه الجرح يلهب غدى مفتوق=شاقه من الايام والوقت ما شاقي
يامحمدن قافك هيض علي الشوق=واصبحت يامحمد تباريني اعواقي
الجسم بامريكا والروح عند افروق=كني بجوه تو لا جاه صعاقي
عبدالله المهنا النعيمي
الا يا اشقر الجنحان(محمد السهلي) الجسم بامريكا (عبدالله النعيمي).
العرض العادي
